سلام عليكم فيزا سياحية اللطلبة او واحد مهوش خدام :
1)شهادة الحالة المدنية (بالفرنسية) تخرج من البلدية
2)اذا كنت طالب شهادة مدرسية بالفرنسية او شهادة التسجيل
3)حجز الفندق تقدر ديروه عند اي وكالة سياحية لكن لازم تكون موثوقة باه يكون الحجز مؤكد واتصلوا بالفندق قبل ما تحطوا الدوسي لتأكيد الحجز
4)تأمين السفر ديروه عند وكالات التأمين ( كي يسقسيكم وين تروحو قولو دول شنغن يعني تغطي دول شنغن كاملة وليس. فرنسا فقط) ولازم تاريخ يداية التأمين نفس التاريخ مع حجز الفندق
5) ديرو prise en charge معناها واحد يتكفل بمصاريف الرحلة تاعك يكون الاب ولا واحد. قريب مهم نفس اللقب و يخلص مليح (هذي الورقة تلقوها في موقع tls تلقاو formulaire ادخلوا و خيروا prise en charge اطبعوها وعمروها تحتاج امضاء لي راح يتكفل بيك فقط ما تديهاش للبلدية وتقاليزيها
6) السيد لي راح يديرلك الكفالة ( 3كشوف الرواتب الاخيرة + شهادة عمل + رولفي ccp )
7) اذا قدرتوا دعموا الملف بكونط اورو حاجة مليحة
ملاحظة: للطلبة لازم طلب الفيزا يعني وكتاه تروح لفرنسا ديرها في عطلة رسمية او في الصيف يعني ماشي وقت الدراسة
بالتوفيق للجميع
تحويل كودإخفاء محول الأكواد الإبتساماتإخفاء